समाचार

काठमाडौँबाट छुटेको रात्रि बसमा लुटपाट

निजगढ : पूर्वपश्चिम राजमार्ग अन्तर्गत बाराको पथलैया-निजगढ सडकखण्डको जंगलमा यात्रुबाहक बसमा लुटपाट गर्ने गिरोहलाई पक्राउ गरी प्रहरीले आइतबार सार्वजनिक गरेको छ। इलाका प्रहरी कार्यालय निजगढको प्रहरीले गत शुक्रबार बिहान राजमार्गको १४ किलो भन्ने स्थानमा गाडी तेर्साएर बस लुटपाट गर्ने सात जनालाई सार्वजनिक गरेको हो। पक्राउ पर्नेमा सिन्धुली मरिन घर भई हाल निजगढ नगरपालिका ८ बस्ने २६ वर्षीय संघर्ष थिङ, सर्लाही हरिवन नगरपालिका ८ का २४ वर्षीय विजय लामा, सिन्धुली हरिहरपुर गाउँपालिका ७ का ३६ वर्षीय टाइगर भनिने सुनिल तामाङ, रौतहट गजुरामाई नगरपालिका २ का ३४ वर्षीय ज्ञानबहादुर थिङ, काभ्रे महाभारत गाउँपालिका २ का ३० वर्षीय विशाल पाख्रिन, महोत्तरी बागडा ५ घरभइ हाल बर्दिबास नगरपालिका ११ मा बस्ने २१ वर्षीय सन्तोष भनिने रमेशकुमार यादव र सर्लाही हरिवन नगरपालिका १० का २७ वर्षीय दिलकुमार दोङ रहेका छन्। दोङ बस लुटपाटमा प्रयोग गरिएको बा १७ च ४८७६ नम्बरको स्कोरपियो गाडीका चालक हुन्। प्रहरीका अनुसार काठमाडौंबाट जलेश्वरका लागि छुटेको ना ७ ख ४७९० नम्बरको बसमा सुन तस्करी भएको सूचना पाएको र सो सुन लुटन लुटेराले योजना बनाएका हुन्। पक्राउ परेका मध्ये सन्तोष भनिने रमेशकुमार यादवले सुन तस्करी भएको सूचना अन्यलाई जानकारी गराएका थिए। यादवको सूचनाको आधारमा अन्यले पथलैयामा बसेर बस लुटपाट गर्ने योजना बनाएका थिए।बस लुटनका लागि लुटेरा समुहले सिमराबाट स्कोरपियो गाडी भाडामा लिएको र सोही गाडी तेर्साएर गाडीका बसका परिचालक (कन्टेक्टर) सञ्जयकुमार
उपाध्यायलाई कुटपिट गर्दै लुटपाट गरेका थिए। राजमार्गमा १० मिनेट गाडी नियन्त्रणमा लिएर उनीहरुले आफूहरु सिआईबीको प्रहरी रहेको र सोधपुछका

लागि आएको भन्दै परिचालकलाई नियन्त्रणमा लिएर कुटपिट गरेको प्रहरीको भनाइ छ। बसको पछिल्लो सिटमा लगेर परिचालकलाई कुटपिट गर्दै लुटेराले ४५ हजार नेपाली रुपैयाँ, दुई हजार भारतीय रुपैयाँ र मोबाइल एक थान लुटेर फरार भएका थिए।बस लुटपाट भएपछि निजगढस्थित इलाका प्रहरी कार्यालयका प्रहरीलाई बस चालक गणेश भुषालसहित यात्रुले सूचना दिएका थिए। घटनाको सूचना पाउनेबित्तिकै प्रहरी निरीक्षक विक्रम लामाको कमाण्डमा रहेको प्रहरीले टोलीले काठमाडौं-तराई एक्सप्रेस हाईवेमा ज १२ प ४६८० मोटरसाइकलमा सवार निजगढ नगरपालिका ८ बस्ने थिङलाई शंकाको आधारमा नियन्त्रणमा लिएको थियो। प्रहरीका अनुसार थिङकै बयानका आधारमा घटनाको वास्तविकता खुलेको र अन्यलाई नियन्त्रणमा लिएको प्रहरी निरीक्षक लामाले जानकारी दिए।थिङको बयानका आधारमा प्रहरीले अन्यलाई जीतपुरसिमरा उपमहानगरपालिका १६ स्थित टांगियावस्तीको जंगलमा अन्य ६ जनालाई नियन्त्रणमा लिएको प्रहरीको भनाइ छ। उनीहरुबाट घटनामा लुटिएको नगद र मोबाइलसमेत प्रहरीले बरामद गरेको छ। नियन्त्रणमा लिइएकालाई पाँच दिन म्याद थप गरी थप अनुसन्धान भइरहेको प्रहरी निरिक्षक लामाले जानकारी दिए।यसरी बन्यो योजना काठमाडौँबाट जलेश्वरका लागि छुटेको बसमा सुन तस्करी भइरहको सूचना यादवले थाहा पाएपछि आफ्ना साथीलाई जानकारी गराए। यादवकै योजनामा सबै पथलैयामा भेला भए। बस लुटनका लागि पथलैयाबाट ४ किलोमिटर

दक्षिणतर्फ रहेको सिमराबाट स्कोरपियो गाडी भाडामा लिए। गाडी र मोटरसाइकलमा बस पर्खेर उनीहरु बसे र बस पथलैयाबाट पूर्वतर्फ लागेपछि १४ किलोमिटर जंगलसम्म पछ्याए। बस पछ्याउदै गरेका उनीहरुले गाडी तेर्साएर चालकतर्फको ढोकामा गए। चालकले ढोका नखोलेर यात्रुतर्फ भागेको प्रहरीको भनाइ छ।बस रोकेर भित्र प्रवेश गरेका उनीहरुले आफूहरु सिआईबी प्रहरी रहेको र यात्रुलाई नआत्तिन आग्रह गरे। बसको परिचालकलाई सिटको पछाडि लगेर कुटपिट गर्दै नगद र मोबाइल लुटेर फरार भएका थिए। काठमाडौं । ललितपुरको सानेपामा आइतबार डरलाग्दो दुर्घटना भएको छ । तीनवटा गाडी र एउटा मोटरसाइकल दुर्घटना हुँदा २ जनाको मृत्यु भएको छ ।मृतक मध्ये एकजना काठमाडौं कार्यथलो रहेका पत्रकार छन् । दुर्घटनामा ज्यान गुमाउने पत्रकार नेपाल कृषि पत्रकार प्रतिष्ठानका अध्यक्ष गोविन्दप्रसाद शर्मा हुन् ।उनले केही समय अघिसम्म कृषि टेलिभिजनमा काम गरेका थिए भने पछिल्लो समय कृषि सम्बन्धी युट्युब च्यानल ‘किसान’ सञ्चालन गरेका थिए । ललितपुरको गोदाबरी निवासी उनी लामो समयदेखि रेडियो पत्रकारको रूपमा सक्रिय थिए । उनी मोटरसाइकलमा सवार थिए ।मृत्यु हुने अर्का व्यक्ति नुवाकोट जिल्ला, कुमारी–३ घर भएका चन्द्रमणि मुडभरी हुन् ।प्रहरीकाअनुसार सुरुमा दुईवटा जिप ठोक्किएर अनियन्त्रित भएका थिए । अनियन्त्रित जिपमा अर्को एउटा कार र मोटरसाइकल ठोक्किन पुगेका थिए ।तीनवटा गाडी र एउटा मोटरसाइकल एकै ठाउँमा ठोक्किँदा दुर्घटनास्थल डरलाग्दो देखिएको प्रत्यक्षदर्शीहरुले बताएका छन् । दुर्घटनाका घाइतेलाई प्रहरीले तत्कालै नजिकको मेगा अस्पताल पुर्याएको थियो ।त्यहाँ उपचार सम्भव नभएपछि थापाथलीस्थित नर्भिक अस्पताल ल्याइएको थियो । नर्भिक अस्पतालले दुवैलाई मृत घोषणा गरेको छ ।

Related Articles

Back to top button